Atuarfiit tamarmik ulluni 14-ini matoqqassapput

Statsminister Mette Frederiksen (S) pingasunngormat unnukkut coronavirus pillugu tusagassiortunik katersortitsivoq. Asseq: Socialdemokratiet

Asasakka tamassi,

Statsminister Mette Frederiksenip Statsmistereqarfimmi tusagassiortunik katersortitsinermini nalunaarutigeqqammarpaa, atuarfiit tamarmik ataasinngornermiit 16. martsimiit ulluni 14-ini matoqqassasut.

Taamaattumik statsministerip nalunaaruteqarnera naapertorlugu efterskolet tamarmik matussapput, atuartullu kingusinnerpaamik tallimanngorpat eqqissisimasumik angerlartinneqassallutik. Atuarfiit tulluarnerutikkunikku aqagu, sisamanngornermi, atuartunik angerlartitsereersinnaapput, statsministerip innersuussutaa naapertorlugu.

coronasmitte.dk-mi atuarneqarsinnaavoq, efterskolet iluminni aalajangissagaat, atuartut kikkut atuarfimmiiginnassanersut, atuarfiup ammaqqinnissaata tungaanut.

Børne- og Undervisningsministeriamiit nalunaarutisivugut, atuartut angajoqqaanut angerlarfissaqanngitsut, imaluunniit allamik patsiseqarlutik angerlarsinnaanngitsut immikkut isiginiarneqassasut, taakkununnga ilaallutik atuartut nunanit allaneersut aammalu atuartut Kalaallit Nunaanneersut Savalimmiuneersullu.

Annertunerusumik paasisaqarusulluta sapinngisatsinnik suliniuteqarpugut, piaartumillu sisamanngorpat ullaap-tungaani paasissutisseeqqissaagut.

Inussiarnersumik inuulluaqqusillunga,
Torben Vind Rasmussen,
Efterskolernut siulittaasoq